শ্রী শ্রী জগান্নাথাষ্টকম্
কদাচিৎ কালিন্দীতট-বিপিন-সঙ্গীত-তরলো
মুদাভীরী- নারি-বদন-কমলাস্বাদ-মধুপঃ
।
রমা-শম্ভু-ব্রহ্মামরপতি-গণেশার্চিতপদো
জগন্নাথঃ স্বামী নয়নপথগামী ভবতু মে ।।
১।।
ভুজে সব্যে বেণুং শিরসি শিখিপিচ্ছং কটীতটে
দুকুলং নেত্রান্তে সহচর-কটাক্ষং বিদধতে।
সদা শ্রীমদবৃন্দাবন-বসতি লীলা-পরিচয়ো
জগন্নাথঃ স্বামী নয়নপথগামী ভবতু মে ।। ২।।
মহাম্ভোধেস্থীরে কনক-রুচিরে নীলশিখরে
বসন্ প্রাসাদান্তঃ সহজ-বলভদ্রেণ
বলিনা।
সুভদ্রা-মধ্যস্থঃ সকল–সুর-সেবাবসরদো
জগন্নাথঃ স্বামী নয়নপথগামী ভবতু মে ।।
৩ ।।
কৃপা-পারাবারঃ সজল-জলদ-শ্রেণিরুচিরো
রমা-বাণী–রামঃ স্ফুরদমল–পঙ্কেরুহ-মুখঃ।
সুরেন্দ্রৈরারাধ্যঃ
শ্রুতিগণশিখা-গীতচরিতো
জগন্নাথঃ স্বামী নয়নপথগামী ভবতু মে
।। ৪।।
রথারূঢ়ো গচ্ছন্ পথি মিলিত-ভূদেব-পটলৈঃ
স্ত্ততি–প্রাদুর্ভাবং
প্রতিপদমুপাকর্ণ্য সদয়ঃ ।
দয়াসিন্ধুর্বন্ধুঃ সকল-জগতাং সিন্ধু-সদয়ো
জগন্নাথঃ স্বামী নয়নপথগামী ভবতু মে ।।
৫।।
পরব্রহ্মাপীড়ঃ কুবলয়–দলোৎফুল্ল–নয়নো
নিবাসী নীলাদ্রৌ নিহিত-চরণোঽনন্ত-শিরসি।
রসানন্দী রাধা-সরস–বপুরালিঙ্গন-সুখো
জগন্নাথঃ স্বামী নয়নপথগামী ভবতু মে ।।
৬।।
ন বৈ যাচে রাজ্যং ন চ কনক-মাণিক্য-বিভবং
ন যাচেঽহং রম্যাং সকল-জন–কাম্যাং
বরবধূম্।
সদা কালে কালে প্রমথ-পতিনা গীত-চরিতো
জগন্নাথঃ স্বামী নয়নপথগামী ভবতু মে
।। ৭।।
হর ত্বং সংসারং দ্রুততরমসারং সুরপতে!
হর ত্বং পাপানং বিততিমপরাং যাদবপতে!
অহো দীনেঽনাথে নিহিতচরণো নিশ্চিতমিদং
জগন্নাথঃ স্বামী নয়নপথগামী ভবতু মে
।। ৮।।
---------- Raghu Nath
Das ♥
ISKCON, Sri Mayapur, Nadia, 741313 (2013)
